Alfred Elezi, drejtori i komanduar ne Drejtorinë Vendore të Policisë Lezhë, ka marrë sot emërimin për të qenë në krye të këtij institucioni pas largimit të Vehbi Bushatit.
Elezi u komandua si drejtor, pas shkarkimit nga Vettingu te ish-drejtorit Vehbi Bushati më 30 maj të këtij viti.
Vehbi Bushati ushtroi detyrën si drejtor i Drejtorisë Vendore të Lezhës për 1 vit e dy muaj. Bushati u largua nga detyra e drejtorit të Policisë së Lezhës në vendimin e parë të dhënë nga Agjencia e Mbikëqyrjes Policore, pas rinisjes së Vetting-ut në Policinë e Shtetit.
Ai nuk kishte plotësuar dhe dorëzuar formularët e deklarimit të pasurisë, kontrollit të figurës dhe aftësive profesionale sipas rregullave të miratuara së fundmi. AMP citonte se Vehbi Bushati kishte paraqitur deklaratën e interesave private periodike vjetore në ILDKPKI, një format që është për vlerësim periodik dhe jo kalimtar që duhet të bënte.
Discussion about this post