Enkelejd Alibeaj, në interpelancën në Kuvend me Ulsi Manjën për Amnistinë Penale, deklaroi se, sipas mediave të ndryshme, bombën gjykatësit në Shkodër mund t’ia ketë vënë një i liruar nga kjo amnisti.
Duke iu drejtuar ministrit të Drejtësisë, Alibeaj tha: “Paske liruar 8, 18, 26, 46 persona të dënuar nga GJKKO… Ndryshe nga ç’betoheshe një muaj më parë. Së dyti, e patë që nuk mbajti asgjë për vete. Tha se e votuat ju Amnistinë Penale, e mbani për vete! E keni peshqesh nga bashkimi një muaj më parë. Ulsi, nëse do të bëhej në 2017 kjo amnisti, ti nuk do e votoje se do ishe te burgu 313. E mban mend dosjen “184” të Dibrës? Gënjeshtra e amnistisë u shkëput si maska nga fytyra e Ulsiut dhe atyre që e votuan, SPAK demaskoi qeveritarët sepse 100 të dënuar nga GJKKO përfituan”.
Më tej, shtoi: “I kërkuat të dënuarve dhe atyre nën hetim që mos të rrëfehen. Kjo ishte porosi, se mbrojtja politike është e sigurt. Pëshpërima ishte e thjesht: mbajeni gojën mbyllur se pak kohë burg do të bëni. Amnistia e maskuar si akt faljeje dhe mëshire është një shfaqje hipokrizie ndaj partnerëve. Nuk e di sa e vërtetë është ajo që është raportuar se i dyshuari për vendosjen e tritolit në shtëpinë e gjyqtarit të Shkodrës mund të jetë liruar nga amnistia. Ata u liruan para kohe nga ndëshkimi i ligjit, pa iu dhënë koha për të reflektuar”.
Discussion about this post