Në Komisionin për Veprimtarinë Prodhuese nuk kanë munguar debatet mes përfaqësuesve të mazhorancës dhe opozitës, teksa është diskutuar projekti për Portin e Durrësit.
Enkelejd Alibeaj ka debatuar me ministren Belinda Balluku duke u shprehur kundër këtij projekti, duke sqaruar se qeveria Rama po synon ta kalojë me shpejtësi. Po ashtu tha se vepra është e njëjtë si me aferën e ineceneratorëve, pro me një ndryshim, pasi këtë herë abuzimi është më i madh.
Lexo edhe: Boçi kërkon fjalën pas Ballukut, nuk e lë kryetari:Të nxjerr jashtë
Alibeaj: Të gjithë këtë e bëjmë sepse është e njëjta histori si ajo e inceneratorëve. Në kohë që flisni kanë dalë 11 urdhër arreste të SPAK për inceneratorin e Fierit. Pra po flasim përsëri për një aferë disa fish sa inceneratori i Fierit.
Balluku: Lidhja ishte thjesht dhe vetëm për të thënë këtë që tha fund, zoti Alibeaj, i dashur koleg Enkelejd, ku e ke gjetur atë dokumentin që thua, ç’është kjo në fshehtësi, më duket sikur je në errësirë duke kërkuar nëpër dosje, jo mor xhan je futur online prej një viti. Shqiptarët nuk merren me dokumentet në fshehtësi, ti po bën ti tani këtë shpikjen. Është dokumenti i Komitetit të Investimeve Strategjike e ke pasur aty prej 12 muajsh. Prej 9 vitesh jemi në hartën e interesit të investitorët S’ke gjetur asgjë me shpejtësi dhe fshehtësi, subjekti që ti thua në atë kohë për 60 ditë ka analizuar projektin, më pas ka ardhur investitori me kompaninë e tij. Janë kompani të regjistruara në Republikën e Shqipërisë, nuk ja kemi dhënë.
Discussion about this post