Deputeti demokrat Enkelejd Alibeaj ka dalë kundër protestës së 7 Korrikut të thirrur nga kreu demokrat Sali Berisha. Alibeaj deklaroi jashtë dyerve të Kuvendit se protesta duhet të nisë duke dalë kundër oligarkëve në Kuvend për çmimet e larta duke mohuar pjesëmarrjen.
“Mënyra më e mirë për të protestuar është këtu. Do protestoj në çdo rast. Detyra e çdo deputeti është kjo. Nuk mund të jetë Sali Berisha përbashkimi i këtyre njerëzve që sot vuajnë gjithmonë e më tepër. Nuk e kuptuat mirë se çfarë thashë. Nuk është ai shpresa e njerëzve. Para se të shkojnë te sheshi të vijnë këtu dhe të thonë një gjë. Për të protestuar për çmimet e larta duhet të thotë se çfarë qëndrimi ka ndaj oligarkëve”, tha Alibeaj.
Deri tani shumica dërrmuese e deputetëve demokratë kanë konfirmuar pjesëmarrjen në protestën e 7 korrikut, protestë e cila për herë të parë pas kaq kohësh pritet të bashkojë PD.
Discussion about this post