Deputeti demokrat Enkelejd Alibeaj ka reaguar pas vendimit të kryeministrit Edi Rama për të shkarkuar nga detyra si zëvendës kryeministër Arben Ahmetajn.
Në një postim në rrjetet sociale, Alibeaj shkruan se lojërat me shkarkime ministrash janë manovrat e fundit të Edi Ramës, ndërsa i bën thirrje SPAK të vijojë punën për hetimin e të gjitha aferave, ku sipas tij përfshihet qeveria.
Reagimi i Enkelejd Alibeaj:
Lojërat me shkarkime ministrash janë manovrat e fundit të Edi Ramës për të tërhequr vëmendjen nga e vërteta e hidhur: kjo qeveri është përgjegjëse kryesore për katandisjen e Shqipërisë në këtë gjendje.
E për këtë, veç ministrave marionetë, përgjegjësia kryesore mbetet e njeriut që frymëzoi, drejtoi dhe sot zboi (si shumë të tjerë para tij) bashkëpunëtorë që bashkë me të, mbajnë përgjegjësi direkte për korrupsionin galopant që ka mbërthyer Shqipërinë.
Ftoj SPAK që ndërkohë të vijojë punën për hetimin e të gjitha aferave, dosjet e të cilave presin gjykimin dhe vënien para drejtësisë të përgjegjësve kryesorë të aferave të mëdha korruptive.
Vetëm gjykimi i drejtë dhe i pavonuar i këtyre dosjeve do të mund të vërë në vend drejtësinë e munguar dhe para përgjegjësie penale të gjithë ata që për vite me radhë u majmën në kurriz të shqiptarëve.
Discussion about this post