Kryetari i grupit parlamentar të PD-së, Enkelejd Alibeaj ka publikuar një video, ndërsa thotë se ai që do sfidohet në 6 mars është Rama, i cili ka përzgjedhur kriminelët për kryebashkiakë. Përmes një postimi në rrjetin social Facebook, Alibeaj shprehet se në këto zgjedhje PD do të vij më e fuqishme dhe e vendosur për të marrë vendin që i takon. Sipas tij tani është koha që të fillojë largimi i Ramës dhe bashkëpunëtorëve të tij kriminel.
“Pushteti që vjen nga krimi dhe korrupsioni nuk prodhon asgjë të mirë për shqiptarët, ata po e shohin këtë çdo ditë. Edi Rama është njeriu që përdori bandat kriminale, fondet e rindërtimit nga tërmeti, korrupsionin e inceneratorëve dhe patronazhistët për masakrën elektorale të 25 prillit. Është ai që përzgjodhi dhe kandidoi të dënuar për krime dhe të korruptuar në krye të bashkive të cilët u denoncuan që në fillim nga PD”, shprehet ai.
Më tutje ai ka hedhur disa kunja edhe kundrejt Berishës, duke thënë se Rama po vepron me personat non-grata për të vjedhur popullin. “Kjo është e qartë si drita e diellit për shqiptarët dhe për këdo se Rama nuk fiton dot pa kriminelët dhe paratë e pista, prandaj ai ka nisur te mobilizojë sërish krimin dhe non-gratat për të vjedhur votat. Ne do ta vazhdojmë të vendosur betejën tonë kundër kriminelëve dhe korrupsionit që po e mbajnë peng të ardhmen e shqiptarëve. Shqiptarët meritojnë një qeverisje më të mirë si lokale ashtu edhe qendro”, shkruan ai. Kujtojmë se ditën e djeshme Alibeaj u vendos drejtuesi politik i PD në Shkodër, një nga bashkitë të shumë diskutuara për pozicionin e kryetarit.
Discussion about this post