Shkodra ishte qyteti i parë ku demokratët nisën takimet për diskutime për reformën territoriale. Deputeti demokrat Enkelejd Alibeaj, tha se për opozitën kjo reformë ka 2 alternativa, ku e para është korrigjimi i saj, ose të ngelet siç është.
Ndërkohë, nevoja e dytë sipas Alibeaj, se pse duhet bërë kjo reformë është demokracia. Sipas tij, marrëdhënia e vetme që kanë kryetarët e bashkive me qytetarët janë taksat e tarifat, por që mungojnë shërbimet dhe mundësia për tu ankuar.
“Ose do ta korrigjojmë siç ne pretendojmë, ose nëse maxhoranca nuk do të ngelet kështu siç është. Kryetari i bashkisë të ketë mundësi që të dijë çfarë ndodh në territorin e vet, çfarë hallesh konkrete, ato hallet e vogla të jetës së përditshme që kanë njerëzit. Nevoja e dytë pse duhet bërë një reformë e tillë demokracia. Dhe së treti nevoja pse duhet bërë një reformë e pushtetit lokal është funksionaliteti. Vizioni demokrateve si duhet te jete pushteti lokal. Duhet të arrijmë autonomi. Ne duhet të kemi sot bashki dhe kryetar të cilët në krye te punëve të mos i shohin çfarë lëmoshe i jep kryeministri kur bën buxhetin”, u shpreh Alibeaj.
Discussion about this post