Deputetët e Grupit të Rithemelimit, Tritan Shehu dhe Edmond Spaho kanë hedhur akuza ndaj kryetarit të komanduar të PD, Enkelejd Alibeaj duke thënë se i ka hequr emrat nga lista e grupit parlamentar.
Menjëherë pas këtyre akuzave, Alibeaj i ka kërkuar kryetares së Kuvendit që të mos japë fjalën për deklarata që nuk kanë të bëjnë me interesin e qytetarëve, ndërsa i kërkoi kësaj të fundit të mos provokojë në fjalën e saj.
“Nuk duhet të provokoni, doni të përfitoni veto politike por kjo nuk i bën nderin askujt. Familja jonë, grupi parlamentar i PD ka rregullat e tij. Miqtë e mi, kolegë të nderuar, çështje të brendshme i nxjerrim në mbledhjet e grupit parlamentar, ku shpalosen të gjitha kërkesat që u interesojnë dhe qytetarëve. Në një familje serioze, në respekt të njeri –tjetrit, në emër të njerzillëkut dhe respektit, duhet të jemi protektorë të interesit të qytetarëve shqiptarë. Mos jepni hapësirë për skenare ju lutem zonjë, dhe s’keni të drejtë që të gajaseni me situata të tilla”, u përgjigj Alibeaj.
Discussion about this post