Anëtari i Komisionit të Rithemelimit, Arben Ristani, ka folur sot për situatën në PD dhe ka treguar se çdo të ndodh më pas. Gjatë një interviste televizive ai u shpreh sot se blindimi i PD është një tregues i trishtë i një sëmundje dhe një mësim i madh për të ardhmen. Ritani tha se PD duhet të ringrihet sa më shpejt dhe të bëjnë gati një platformë programi, përfshirë dhe njerëzit që do e interpretojnë atë. Sa i përket Kuvendit të 30 prillit, Ristani u shpreh se sipas statutit të 11 dhjetorit, Kuvendi i PD s’do jetë një kuvend me 10 mijë vetë, por përfaqësues nga të gjitha degët, me 1100 vetë.
“Një kuvend i mbledhshëm dhe është lënë për tu bërë që Kuvendi të zgjedhë organet e reja drejtuese të Partisë Demokratike. Kuvendi do zgjedhë Këshillin Kombëtar dhe kjo e fundit do zgjedhë kryesinë e PD, sekretariatin, nënkryetarët dhe do përgatiten organet e reja që do dalin nga ky kuvend për të bërë zgjedhjet e kryetarit, me skemën një anëtar një votë”, tha Ristani Më tej deputeti demokrat tha se do të ketë një datë tjetër për zgjedhjen e kryetarit në PD.
Discussion about this post