Partia Demokratike nuk po gjen qetësi nga përplasjet e brendshme mes deputetëve. Së fundmi, deputeti Luçiano Boçi, njëkohësisht anëtar i Komisionit të Rithemelimit ka reaguar pas njoftimit se Enkelejd Alibeaj mbledh sot grupi parlamentar në selinë blu.
Boçi shprehet se Alibeaj është shkarkuar nga posti i kreut të grupit parlamentar në Kuvendin e të shtunës, 30 Prill, ndërsa shton se nuk ka tagër nga demokratët për të përfaqësuar ata në Kuvend.
Deputeti demokrat shton se Alibeaj përfaqëson vetëm interesat e Ramës dhe Ballës dhe sipas tij është kryesia e grupit që kërkon mbledhjen e grupit parlamentar.
Postimi:
Lidhur me mbledhjen e grupit parlamentar, të thirrur sot nga zoti Alibeaj, në cilësinë e nënkryetarit të grupit deklaroj se ajo është nul. Është nul për dy arsye:
Së pari: Zoti Alibeaj ka tagrin e Ramës dhe të Ballës, por nuk ka tagrin e demokratëve te cilët e kanë shkarkuar atë në Kuvendin e datës 30 Prill.
Së dyti mbledhjen e grupit e thërret Kryesia e Grupit dhe jo një deputet, qoftë ai i njohur nga Rama si përfaqësues grupi.
Prandaj nga ky moment kërkoj në ditët në vazhdim thirrjen e mbledhjes së Kryesisë së Grupit, për të diskutuar e vendosur për mbledhjen e Grupit Parlamentar.
Grupi parlamentar i PD nuk mund të mblidhet sa herë e kërkon e kur e kërkon Rama-Balla.
Ne nuk mund të shkojmë pas qerres së Ramës çfarëdolloj pamje të ketë ajo.
Këtu nuk bëhet fjalë për bojkot.
Koha e bojkotit dhe e pazareve ka perënduar.
Qëndrimin politik në raport me çështjen e zgjedhjes së Presidentit e vendos Këshilli Kombëtar, si organi më i lartë vendimarrës politik pas Kuvendit dhe e pasqyron në qëndrim Grupi Parlamentar.
Kjo është rruga statutore e funksionimit të Partisë Demokratike.
Discussion about this post