Gjatë një prononcimi për mediat, Sali Berisha u pyet se kush do ta drejtojë grupin e PD tani që Kuvendi shkarkoi Enkelejd Alibeajn. Fillimisht Berisha ngriti supet duke mos patur një përgjigje konkrete për këtë, pro më pas tha se do të emërohet një nga nënkryetarët.
Më tutje ai u pyet se kur do të prezantohet platforma e cila do të shërbejë për zgjedhjen e kryetarit të ri të PD dhe Berisha tha se po punohet mirë për të dhe do të publikohet shumë shpejtë.
Pjesë nga biseda:
Pyetja: Kur do e prezantoni platformën si kandidat për kryetar të PD?
Berisha: Platformën, nuk e kam ndarë, por sapo të ndodhë do e publikojmë
Pyetja: Basha ishte pjesë e Kuvendit edhe pse jo fizikisht, a është amnisti për humbjen?
Berisha: Nuk ka përjashtim, por realitetet janë realitete. Nëse u bë një retro-vështrim. Ai është anëtar i grupit të PD.
Pyetja: Do ketë penalizim për deputetët që nuk ishin në Kuvend?
Berisha: As edhe një penalizim. Ky Kuvend ishte i hapur, është tagri i tyre që të bëjnë zgjidhjen që duan. Këtë tren nuk ka forcë kush ta ndalojnë. Treni ecën drejt fitores.
Pyetja: Kush do e drejtojë grupin e PD?
Berisha: Sot u mor një vendim ndaj personi që është emëruar nga Gaz Bardhi. Grupi i ekspertëve do përcaktojë procedurën e emërimit, duhet të jetë një nga nënkryetarët e partisë. Nuk kam asnjë emër se varet kush votohet për nënkryetar.
Discussion about this post