Ilir Alimehmeti, anëtar i këshillit bashkiak nën siglën e koalicionit “Bashkë Fitojmë” shprehet pro krijimit të një fronti të gjerë opozitar, Duke komentuar situatën në Partinë Demokratike, Alimehmeti thekson se tashmë janë dy grupime, por edhe një pol i ri, ku përfshihen deputetët. Madje atë që njihet si PD e vulës, Alimehmeti e cilëson si një subjekt që do të zgjidhë hallet e veta.
“Të them të drejtën, në një botë demokratike, një komunitet ka të drejtë të ndërtojë parti. Në Shqipëri ka dhjetëra parti të ngritura. Fokusi im ka qenë në Këshillin Bashkiak. Përsa i përket forcave opozitare, duhet një bashkim i madh. Unë e kam shprehur qartë këtë 6 muaj para zgjedhjeve.
Ajo është një subjekt zgjedhor më vete, dhe ne jemi një tjetër subjekt. Shumë të ngjashëm, por organet drejtuese kanë vendosur që të dalin më vete. Ku aderon njëri, nuk aderon tjetri.
Është një subjekt zgjedhor që do të zgjidhë hallet e veta. Është e drejta e tyre që të vendosin brenda statutit të tyre se çfarë do të bëjnë. Dëshira ime e madhe është të bashkohemi bashkë, por do të respektoj vendimin e tyre.
Ne në 2022 çdo gjë e kemi çuar në votë. Një vend demokratik duhet ta çosh gjithmonë fuqinë te votuesit”, është shprehur Alimehmeti në një emision teelviziv.
Discussion about this post