Anëtari i PD-së në Këshillin Bashkiak të Tiranës, mjeku Ilir Alimehmeti kërkon që të bllokohet modeli i abuzimit me fondet publike dhe se me koncensionet po bëhet vjedhje me ligj dhe ato duhet të bllokohen nga drejtësia.
Alimehmeti deklaroi se ndërsa ka nisur ndjekja hetimore, gjyqësori duhet të ndëshkojë ata që bëjnë shkelje.
Alimehmeti: Të gjitha koncensionet kanë pasur një rritje të pagesës për vitin 2025. Kjo shifër që është dhjetëfish më e lartë se në fillim, sa shkon dhe dyfishohet. Për koncensionin e sterilizimit këtë vit ishin 17 milionë dhe në vitin 2025 shkon në 19 milionë dollarë, si ka mundësi që rriten këto shifra ndërkohë që jemi nën hetim.
Gjyqësori duhet të bllokojë këto koncensione. Pse jepet një koncension nga shteti që ta bëj dikush tjetër? Për dy arsye: ose është një investim tejet i madh dhe shteti nuk ka kapacitete ose nuk ka burime njerëzore dhe i kërkon një investitori tjetër bëje ti dhe unë do të lë mundësinë që ta shfrytëzosh. Investitori ka një investim në radhë të parë. As dritat dhe as ujin nuk paguajnë, ua paguajmë ne. Koncensionari thjesht mbledh paratë.
Investimi për sterilizimin ishte bërë vetë nga shteti shqiptar. Patjetër që është grup i strukturuar kriminal, ndërkohë që kjo kompani ka vetëm një të punësuar. Që të japësh me koncension duhet të ketë një pamundësi shteti për të bërë investimin në terma strukture apo burime njerëzore. Këto nuk janë në këtë rast! Pajisjet janë tonat, personeli është i yni, dritat dhe ujin e paguajmë ne, pse duhet koncensionari? Gjithçka është bërë për të krijuar ligje të tilla që vjedhja të bëhet me ligj. Gjyqësori duhet të bllokojë çfarë ka mundësi nga dëmin ekonomik që ka ndodhur. Është krijuar një grup që mundëson vjedhjen me ligj në shëndetësi. Pikëpyetjet që ngrihen janë pse u fry sterilizimi nga 800 mijë euro në 10 milionë euro?
Discussion about this post