Ilir Alimehmeti, anëtar i Partisë Demokratike në Këshillin Bashkiak të Tiranës, thotë drejtësia është e vonuar në rastin e Erion Veliajt, edhe pse po vepron ndaj tij.
“Çdo element që futet te dosja e Veliajt që del dita ditës në sytë e të gjithëve… një pjese e tyre se ka akoma për t’u hapur, është në dosjen e Veliajt, por edhe të turpit të Tiranës. Pra këto para, që merren nga xhepat tanë, për t’u kthyer në shërbime për ne, ne jemi të mbitaksuar, mbipaguajmë për çdo gjë… Në fund të ditës investimet i marrim minimale dhe paratë shkojnë për drejtorët e Veliajt dhe inceneratorët që nuk ekzistojnë”, tha Alimehmeti”.
“Prandaj po thosha që edhe drejtësia është e vonuar. Në radhë të parë, këto kanë shumë vite që po ndodhin, nuk po ndodhin në fund të 2024-ës. Është edhe e gabuar kur e vonon. Po bëre neglizhencë me fondet publike, që ikin, dhe lejon zhdukjen e tyre…
Kur e bën ndërhyrjen pasi ndodh fakti, se paratë ikën, a i merr më dot mbrapsht këto para? Pse nuk bllokohet kjo? Sepse synimi është që të ikin këto para. E dyta duhet bërë shembull, që personi që do të vijë më pas, të mos marrë shembullin negativ, por shembullin pozitiv”, shtoi ai
Alimehmeti deklaroi se do të ishte i gatshëm të kandidonte për postin e kryetarit të Bashkisë Tiranë në rast se do të ketë zgjedhje.
“Një herë jam paraqitur në garë. Do të ketë prapë primare, se e kemi në statut. Në radhë të parë duhet të përmirësohesh, sepse me sa duket nuk isha i mirë mjaftueshëm, dhe e dyta duhet të votëbesohesh. Patjetër se ajo çështje forumesh është. Përndryshe nuk do të kisha qenë në garë që dy vjet përpara”, tha ai.
Në primaret e zhvilluara nga Partia Demokratike para zgjedhjeve të vitit 2023, Alimehmeti humbi garën e brendshme përballë Belind Këlliçit, i cili më pas nuk arriti të fitonte në zgjedhje kundër Veliajt.
Discussion about this post