Mjeku Ilir Alimehmeti ka ngritur shqetësimin për ndotjen e madhe në kryeqytet. Ai deklaroi në një takim të organizuar nga kryedemokrati Sali Berisha se ndotja e ajrit dhe ujit në Tiranë po sjell sëmundje të shumta. Sipas Alimehmetit, të gjitha sëmundjet vijnë nga keqmenaxhimi i kryeqytetit ndërsa shtoi se Tirana renditet në vendin e 245-të në botë sa i përket indikatorëve të shëndetit.
“Tirana është renditur e 245-ta në renditjen e qyteteve në botë, përsa i përket indikatorëve të shëndetit. Kemi 10 mijë e 500 banorë për kilometër katror. Te njësia 10 është mbi 20 mijë, nisur nga 9 dhe 5. Sa për krahasim, në Delhi, Indi, ka tek 10 mijëshi, pak a shumë sa Tirana. Londra ka 3 mijë. Çfarë vjen nga mbipopullimi. Sëmundjet infektive i pamë vetë. Vjen ndotja e ajrit, ndotja e ujit, mbetjet urbane dhe konsumi i energjisë.
Te ndotja e ajrit jemi në vendin e 243, nga 245. Nga ajri vijnë tumoret, problemet e zemrës, të trurit etj. Kjo nis nga qyteti, nga menaxhimi i qytetit. E dyta, uji. Thuhet se uji është i pijshëm, kështu na vjen në faturë. Por kemi një vendim gjykate që thotë se është i pijshëm. Shumica e blejmë, kush ka mundësi. Uji sjell edhe sëmundje me të”, tha Alimehmeti. Ndërsa u shpreh se koshat e plehrave nëpër trotuare janë gjithashtu vatra infektimi.
Discussion about this post