Mjeku Ilir Alimehmeti u shpreh mbrëmjen e sotme në “Top Story” se Qeveria e ka të pamundur të ndalojë të rinjtë që të largohen nga vendi, pasi kjo sipas tij do e kthente vendin në komunizëm ku mungon lëvizja e lirë.
Ndërsa u shpreh kundër nismës së Qeverisë për studentët e mjekësisë, Alimehmeti tha se nga viti 2018 deri në 2022 janë diplomuar 1322 studentë në mjekësi nga të cilët 801 ose 61% janë larguar nga vendi.
Projektligji i Qeverisë synon parandalimin e eksodit të mjekëve të rinj, parashikon se ata duhet të punojnë në vend 5 vite pas përfundimit të studimeve, duke iu ndaluar largimin nga vendi.
“Kjo është arsyeja përse filluam të luftojmë në 90 që të kishim mundësi të mendojmë ndryshe dhe për lëvizjen e lirë.
Ne jemi me një orientim europian, bëjmë pjesë në një pakt që të çon drejt atashimit me Evropën. Kjo është pjesë e asaj pune dhe në 7 maj të 2023, Rama para kancelarit Scholz shprehu të njëjtën logjikë por me tone shumë të ulëta, dhe Scholz i tha se janë vlera për të cilat Europa ka luftuar shumë, lëvizja e lirë është diçka e padiskutueshme, nëse i keni sytë nga perëndimi, nëse i keni sytë nga diçka tjetër është bisedë tjetër.
Të rinjtë kanë zgjedhur se kanë punuar që në gjimnaz nuk është diçka që nisi ditët e fundit, prindërit kanë punuar dhe mësuesit kanë punuar dhe nuk mund të vijë dikush të thotë e di unë çfarë bëj me jetën tuaj. Jo e di unë se çfarë bëj me jetën time familjare dhe profesionale. Po qe puna për kuota sa futen në mjekësi, këto janë tagër i Fakultetit.
Flet fakulteti jo ministria ka tagër më vete. Prodhohet dije dhe ky produkt është shumë i mirë, ka mjaftueshëm për tregun gjerman dhe shqiptar.
Në mënyrë absolutë nuk ka mbiofertë. Nga viti 2018 deri në 2022 janë diplomuar 1322 vetë nga të cilët 801 ose 61% kanë marrë letrat për të ikur”, tha ai.
Discussion about this post