Mjeku i njohur ilir Alimehmeti i bënë thirrje Komitetit Teknik që heqë orën policore, pasin situata nga Covid-19 nuk ka më ndonjë rrezik të lartë. Gjatë një interviste televizive ai është shprehur se, rritja e infektimeve në javët e fundit ka ardhur si shkak grumbullimet e mëdha në stadiume dhe aktivitetet e tjera me pjesëmarrje të lartë.
Ilir Alimehmeti thotë se popullsia shqiptare nuk e ka arritur imunitetin e nevojshëm për të lejuar grumbullime masive. Ndërsa për hapjen e shkollave dhe universiteve ai thotë se nuk kanë efekt të lartë në rritjen e kurbës. Sakaq, ai tha se gjatë stinë së dimrit do të kemi rritje të rasteve por jo në nivel shqetësues.
“Në shkolla, grumbullimet janë 30-40 persona, por në 12 tetor, ne patëm grumbullime me mbi 20 mijë vetë. Menjëherë nisi rritja e kurbës. Këto duhet të eliminohen. Edhe dimri që presim do të jetë i vështirë, veçanërisht për personat që nuk e kanë kaluar sëmundjen dhe as janë vaksinuar. Mundësitë janë që situata e ftohtë të japë një acarim, por jo si vitin e kaluar. Këshilla është, kush nuk është i imunizuar duhet të imunizohet sot”, tha epidemiologu. Në përfundim ai këshilloi që bizneset të vijojnë të respektojnë protokollet anti-covid.
Discussion about this post