Këshilltari i Bashkisë së Tiranës dhe drejtuesi i Departamentit të Shëndetësisë në PD, Ilir Alimehmeti, në një intervistë me Syri Tv, tregoi se SPAK-u po vepron në favor të Erion Veliajt dhe në disfavor të qytetarëve.
Ai shpjegoi se kjo vonesë nga ana e SPAK-ut ndaj Erion Veliaj, është në dëm të qytetarëve për arsye se kryebashkiaku po e përdor këshillin bashkiak vetëm për hallet e tij personale.
Alimehmeti shtoi se në një situatë normale duhet të jetë një këshill që diskuton për hallet e qytetarëve.
“Kemi favorizim të plotë ndaj Erion Veliajt nga ana e SPAKU-t, dhe disfavorizim ndaj qytetarëve po nga ana e SPAK-ut. Nëse ne mbajmë në detyrë një kryebashkiak që ne e kemi të qartë çfarë ka firmosur, dhe ai që s’beson mjafton të bëjë një xhiro në Sharrë dhe të shikojë, nëse është inceneratori dhe të shikojë ekziston apo jo, për të cilin ne japin 10 milionë euro në vit. Po të ishte një situatë normale ky nuk ishte më kryetar, do ishte i arrestuar dhe do kishim një bashki që do fliste për hallet e qytetarëve dhe jo për halle personale.
Ne e dimë që Erion Veliaj përdor këshillin bashkiak për të mbuluar hallet e veta dhe jo për të diskutuar çështjet e qytetit apo ndonjë hall të qytetarëve. Kujtojmë se sa herë ne si PD hedhim diskutime për qytetin, përgjigja është se nuk është në rendin e ditës. Nga ana tjetër ky do të sjelli atje hallet e veta, të cilat nuk janë në rendin e ditës. Ne e dimë që korrupsionin e parave publike ky ende e vazhdon, po të shohim buxhetin e vitit 2025 ai ka lokuar direkt para pa u mbyllur ende viti. Për inceneratorin vitin e kaluar i dha 17 milionë euro dhe drejtori i tij Taulant Tushe, u arrestua që në dhjetor 2023,” tha ai.
Discussion about this post