Deputeti demokrat Tomorr Alizoti tha në studion e Syri Tv se PD-së i duhet një lider fitues dhe jo një kryetar që ta kthejë Partinë Demokratike në një subjekt me 4 apo 5 deputetë.
Alizoti tha se Basha ishte njeriu më me fat në fushën politike pasi pati të gjithë kohën për të treguar se çfarë mund të bënte. Në këtë kuadër ai tha se Basha pati suportin e Berishës, sepse nëse nuk do e kishte nuk do të mund të kalonte as Kryesinë e PD-së në 2017-ën.
Lidhur me gjendjen ku ndodhet PD, Alizoti tha se është e turpshme që tentohet një zgjidhje përmes vendimeve të Gjykatave.
“Ne nuk e ndjekim PD me vendime gjykate, por e kemi ndjerë që kjo është një forcë që ne na përfaqëson dhe nuk mundet një gjykatë të më drejtoj mua se çfarë do të ndjek unë dhe kush është legal e kush është ilegal për mua e në një drejtësi si ajo e Shqipërisë.
Në fillimet e kësaj beteje kur isha dhe në kryesi si ndër më të votuarit u shpreha me disa fjalë që nëse ne nuk gjemë një mënyrë diskutimi për të negociuar çështjet, atëherë kjo parti do të kthehet në qendër të vëmendjes ditore.
Duke pasur veten e saj në qendër të vëmendjes ajo çdo ditë do të fillojë të bëhet më e vogël në shoqëri dhe kjo u vërtetua se sot është më e vogël dhe më në kaos pasi çështjet politike nuk zgjidhen kurrë me manovra juridike.
PD është anëtarësia e saj dhe kjo marrëzia e gjyqit është interes i Edi Ramës që të asgjesojë opozitën dhe të formojë një parti shtet e të jetë i sigurt në qëllimin e tij. Kjo që po ndodh nuk ka lidhje me politikën, ne na duhet dikush që të bëjë një opozitë serioze dhe tek Lulzim Basha nuk e shoh fare, tek Berisha shoh aksione politike që kanë nevojë për bashkime me grupe të tjera dhe rryma të tjera që të na sjellin fitoren”, tha Alizoti.
Discussion about this post