Deputeti demokrat, Tomor Alizoti shprehet se të besosh se me kryeministrin Edi Rama do të shkojmë në BE është sikur të besosh se edhe Enver Hoxha të kërkonte të hynte në NATO.
“Prandaj zgjidhja për përshpejtimin e anëtarësimit është largimi i Edi Ramës. Ai e di këtë ndaj është kthyer në një shtazë që do të kontrollojë gjithçka. Por fundi është i shkruar. Ashtu si në vendet fqinje, ai e di, që Shqipëria do të anëtarësohet në BE, pas arrestimit të kryetarit të bandës së hajdutëve dhe kriminelëve të Rilindjes.
Ndaj sa më shpejt ta sjellim këtë ditë aq më shpejt do të jemi në tryezën e BE-së…”, shkruan ndër të tjera ai.
Reagimi
T’i besosh Edi Ramës anëtarësimin e Shqipërisë në BE, është njësoj si t’i besoje Adil Çarçanit premtimin për anëtarësimin në NATO. Dhe nuk do shumë argumentim të vështirë krahasimi.
I zhytur në llumin e korrupsionit dhe të vjedhjes, si një bollë e zezë që përdridhet nën çarkun e ngritur nga vetë ai, prodhon vetëm skandale e skandale. Mjafton sjellja e fundit, përplasja me të burgosurin e Durrësit për të treguar se çfarë ideje ka për Bashkimin Evropian.
Përplasja e ngjalave të zeza, njëra në Durrës e tjetra në Tiranë, tregojnë qartë se çfarë koncepti kanë për shtetin rilindasit. Ata duan vetëm të vjedhin e të vjedhin. Të pangopur po i bëjnë gropën njëri-tjetrit sepse nuk kanë asnjë qasje tjetër për shtetin. S’ka shembull më të mirë se sa përballja e fundit e Ramës me Veliajn për të treguar se sa afër Bashkimit Evropian do na çojë Rilindja.
Edi Rama ka vetëm një synim, atë të vjedhjes për të mbajtur pushtetin. Ai nuk ka asnjë të përbashkët me asnjë vlerë të Bashkimit Evropian. Imagjinoni pak kryeministrin e Danimarkës apo Hollandës por edhe Greqisë e Kroacisë, të përplaset me hajdutët e partisë së vet në burg se kush do vjedhë bashkinë e kryeqytetit.
Kjo nuk ndodh në asnjë vend të BE-së. Dhe asnjë vend i BE-së nuk mund të pranojë që ky kryeministër të ulet pranë tyre si i barabartë me ta. Prandaj zgjidhja për përshpejtimin e anëtarësimit është largimi i Edi Ramës. Ai e di këtë ndaj është kthyer në një shtazë që do të kontrollojë gjithçka. Por fundi është i shkruar. Ashtu si në vendet fqinje, ai e di, që Shqipëria do të anëtarësohet në BE, pas arrestimit të kryetarit të bandës së hajdutëve dhe kriminelëve të Rilindjes.
Ndaj sa më shpejt ta sjellim këtë ditë aq më shpejt do të jemi në tryezën e BE-së…
Discussion about this post