Lirimi me kusht i të dënuarit Alket Rizai nga Burgu i Domokosit është shqyrtuar nga Këshilli Gjyqësor i Kundërvajtjes në Lamia pasditen e së premtes (11.04.25), pas kërkesës për lirim që ai ka paraqitur.
Megjithatë, çështja e 47-vjeçarit shqiptar Alket Rizai u shty për më 6 qershor 2025, siç tha për “LamiaReport” një nga avokatët e tij, Kostas Nousas, pasi klienti i tij ishte transferuar përkohësisht në Qendrën e Paraburgimit Korydallos, për një çështje procedurale.
Njeriu që kishte ekspozuar sistemin e sigurisë së Burgjeve greke duke u arratisur dy herë me helikopter nga Koridhalos (hera e parë me Vassilis Paleokostas), është dënuar dy herë me burgim të përjetshëm, ndërsa dënimet për veprat e tjera të tij arrijnë në 25 vjet.
Alket Rizai ndodhet në burg prej 21 vitesh që kur u arrestua për herë të parë në vitin 2003, pasi arratisjet gjatë kësaj kohe i lejuan të gëzonte vetëm disa muaj liri. Megjithatë, vitet e fundit, sjellja e tij e kishte lejuar edhe të merrte leje nga burgu, si në janar 2021.
Më pas, në një zonë të Lamisë, efektivë të Policisë së Departamentit të Veprimit të Shpejtë, të cilët po kontrollonin një automjet të dyshimtë në të cilin po udhëtonin dy kriminelë, panë të hipur edhe Alket Rizai, i cili kishte marrë leje ligjore 5-ditore.
Hera e fundit që Alket Rizai ka kaluar pragun e gjykatave të Lamisë ka qenë një vit më parë, për t’u gjykuar nga Gjykata e Kundërvajtjeve tre anëtarësh të Lamisë për armë të improvizuara (armëmbajtje) dhe celularë që i ishin gjetur në qeli. Më pas ai u gjet i pafajshëm.
Discussion about this post