Alketa Vejsiu poston për herë të parë foto me nënën e saj

Moderatorja e njohur, Alketa Vejsiu është shumë aktive në rrjetet sociale ku ndan me ndjekësit momente nga përditshmëria e saj.

Rreth dy muaj më parë ajo humbi babin e saj, me të cilin kishte një marrëdhënie shumë të mirë.

Ndyshe nga lidhja që kishte me të atin, Alketa nuk ka postuar asnjëherë foto me nënën e saj, ndërsa fansat janë shumë kuriozë për të ditur më shumë për familjen e saj.

Së fundmi moderatorja ka zhvilluar një bisedë virtuale me ndjekësit e saj në Instagram, ku të shumtë ishin fansat që i kërkuan që të tregojë më shumë për nënën e saj.

“Mamin s’të kam parë asnjëherë t’i bësh surprizë apo t’a nxjerrë në një foto bashkë! Nëna është e shtrenjtë!”, i ka shkruar një ndër komentuesit.

“Alketa për babin ke folur dhe ngushëllime, po për mamin nuk dimë asgjë”– vazhdoi një tjetër.

Megjithatë moderatorja ka vendosur që t’ua plotësojë dëshirën fansave të saj duke postuar për herë të parë një foto me nënën e saj, ndërsa ajo që duket qartë është ngjashmëria që Alketa ka me të ëmën.