Ditën e sotme u zhvillua në GJKKO seanca e radhës ndaj ish-kryebashkiakut të Bulqizës, Lefter Alla. Gjatë seancës, u depozitua një tjetër kërkesë për një masë më të lehtë sigurie se ajo e arrestit me burg.
Avokati mbrojtës i Allës depozitoi prova të reja nga ekspertët mjeko ligjor sa i takon gjendjes shëndetësore të Lefter Allës. Sipas avokatit Hysni Demiraj gjatë një kontrolli të bërë për gjendjen shëndetësore ka rezultuar se ish-kryebashkiaku nuk është në gjendje të mirë për të përballuar burgun.Në fund, u vendos që seanca e radhës të zhvillohet më 29 korrik orën 13:30.
Pak kohë më parë Alla përfundoi në spitalin e burgut për shkak të probleme shëndetësore. Ai po mbahet në paraburgim deri në përfundim të hetimeve lidhur me një tender 3 mln euro për ujësjellësin dhe kanalizimet në Bulqizë.
Discussion about this post