“Allahu Ekber”, kërcënoi me thikë, 46-vjeçari qëllohet nga policët

Një person është qëlluar nga policia franceze në stacionin e trenit “Saint Lazare” në Paris.

Situata përshkallëzoi pasi ai refuzoi të zbatonte urdhërat e zyrtarëve të hënën në mbrëmje, që fillimisht e kishin ndaluar për mos vendosje të maskës.

Gjatë diskutimit me policët francez, i plagosuri bërtiste  “Allahu Ekber” dhe “Franca sundohet nga Shteti Islamik”.

Pas këtyre thirrjeve burri ka nxjerrë një thikë dhe ka vrapuar drejt 4 policëve që ndodheshin aty.

Teksa thërriste “Allahu Akbar” dhe “Franca sundohet nga Shteti Islamik” ai u qëllua dy herë në gjoks dhe më pas ra mbi binarë.

Mësohet se është dërguar në spital, ku ndodhet në gjendje kritike.

Sipas dokumenteve të identitetit që i janë gjetur në trup, i dyshuari është lindur në vitin 1974 dhe ka qenë i njohur për policinë shkaku i kërcënimeve e dhunës së mëhershme, por nuk ka qenë i njohur për shërbimet e inteligjencës.