Trajneri i Juventusit, Massimiliano Allegri pas fitores ndaj Milanit, në stadiumin e Los Anxhelosit, në kuadër të Soccer Champions Tour, ka deklaruar se është e vëshrirë të flasësh për ambicje por duhen fituar gjëra të rëndësishme. Juventusi ka mundur Milanin pas gjuajtjes së penalltive, duke u kthyer 2 herë nga disavantazhi dhe Max e ka konsideruar si pozitive paraqitjen e ekipit:
“Të fitosh të ndihmon gjithmonë, duhet të kemi ambicjet për të bërë gjëra të mëdha këtë sezon, duhet të rritemi akoma në aspektin teknik dhe fizik por sot ka shkuar çdo gjë mirë”.
Tekniku italian ka folur edhe për Chiesa e Weah, duke u shprehur se sulmuesi i Italisë është në një formë të mirë ndërsa amerikani ka pasur impakt të mirë në ekip:
“Fede? Është krejtësisht ndryshe krahasuar me vitin e kaluar dhe kjo është një gjë normale sepse vjet ka kaluar një sezon të vështirë por tani më pëlqen grinta dhe shpirti me të cilin futet në fushë, ndërsa Weah ka pasur një impakt shumë të mirë në ekip është i gatshëm të vihet në dispozicion kur ekipi ka nevojë dhe jam i kënaqur me mënyrën sesi po punon”.
Allegri gjithashtu ka komentuar edhe sezonin e kaluar si dhe ka folur për merkaton:
“Sezonin e kaluar e mbyllëm të tretët në klasifikim sa i përket aspektit sportiv, kjo më bën shumë optimist. Merkato? Se di çdo të ndodhë deri në fund por do të shohim nëse do të kemi afrime të reja”, deklaroi tekniku Allegri./SSA
Discussion about this post