Juventus sfidon skuadrën e Sasuolas këtë të mërkurë ku do të synojnë të rikthehen tek fitorja në kampionatin italian pas barazimit me Interin. Në vigjilje të kësaj përballje trajneri Masimiliano Alegri ka theksuar se ishte faji i tij për përballjen ndaj Interit teksa ka zbuluar nëse Kieza dhe Dibala do të luajnë nga minuta e para ditën e nesërme.
“Paulo Dybala dhe Federico Chiesa do të luajnë, kështu që të gjithë janë të lumtur. Ju shkruani dhe unë ju bëj të lumtur. Chiesa është top lojtar. Dybala ka teknikë kualitative. Të dielën unë gabova, por e lexova ndeshjen në një mënyrë tjetër”, theksoi trajneri i skuadrës së Juventusit, Masimiliano Alegri. Bardhezinjtë kanë dështuar në këtë start kampionati duke lënë shumë pikë por skuadra është rikthyer tek suksesit por i mungon vazhdimësia.
