Juventusi luan ndeshjen e tretë sezonale ndaj skuadrës së Napolit. Bardhezinjtë kanë grumbulluar vetëm një pikë në dy ndeshjet e para dhe fitorja ndaj bardhekaltërve është detyrim për “Zonjën e Vjetër”.
Ndaj skuadrës së teknikut Luçiano Spaleti, Juventus do të ketë disa mungesa për shkak të impenjimeve të lojtarëve me kombëtaret respektive në Amerikën e Jugut teka do të zbresin në fushë mbrëmjen e sotme.
Paulo Dibala do të jetë në fushë në orën 1:30 (Argjentinë-Bolivi); Rodrigo Bentankur me Uruguain në 00:30 ndaj Ekuadorit; Danilo e Sandro në 2:30 të mëngjesit në Brazil-Peru dhe Kuadrado në 1:00 në Kolumbi-Kili.
Si të mos mjaftonin këto probleme, Juventusi ka marrë një tjetër lajm të keq. Bëhet fjalë për dëmtimin e sulmuesit Italian, Federiko Kieza. Ai u dëmtua gjatë grumbullimit me kombëtaren dhe pritet të mos grumbullohet ndaj Napolit.
