GIJOTINA
  • Lajme
    • Politikë
    • Aktualitet
    • Ekonomi & Sociale
    • Kosovë & Rajon
    • Botë
  • Fact-Checking & Analize
  • OP-ED
    • Opinion
    • Editorial
    • Sondazh
  • Intervista
  • Sport
  • Të tjera
    • Art & Kulturë
    • Teknologji
    • Shëndet & Fitness
    • Kuriozitete
    • Show Biz
    • Lifestyle
    • Horoskopi
    • Moti
Nuk ka rezultat
View All Result
GIJOTINA
Nuk ka rezultat
View All Result
Fillimi Lajme Aktualitet

“Porta e Alpeve”, qeveria hedh 100 milionë euro në Shkodër para zgjedhjeve lokale

në Aktualitet, Kosovë & Rajon, Politikë
Kohë leximi: 3 min
A A
“Porta e Alpeve”, qeveria hedh 100 milionë euro në Shkodër para zgjedhjeve lokale
Facebook Twitter LinkedIn WhatsApp

Me anë të një pakete të re investimesh, kryesisht në infrastrukturën rrugore, qeveria shqiptare po planifikon të shpenzojë 100 milionë euro vetëm për bashkitë e qarkut të Shkodrës në prag të zgjedhjeve lokale, përmes projektit të njohur si “Porta e Alpeve”.

Sipas kryeministrit Edi Rama, projekti “Porta e Alpeve” do të jetë një shtojcë e “Paketës së Maleve” – një nismë kontroverse e shoqëruar me shqetësime mbi të drejtën e pronësisë dhe mënyrën se si do të aplikohet.

“Bëhet fjalë për një investim masiv për zhvillimin e turizmit me fokus atë malor,” tha Rama të dielën gjatë një video të publikuar në rrjetet sociale.

Sipas tij, bëhet fjalë për investime të infrastrukturës rrugore, menaxhim të ujërave të zeza, ndërhyrje në zhvillimin urban dhe në ruajtjen e trashëgimisë historike dhe natyrore, punë të cilat në dukje janë investime që lidhen drejpërdrejt me qeverisjen vendore.

Në zbatim të këtij projekti, qeveria ka depozituar në Kuvend një projektligj për ratifikimin e kontratës financiare me Bankën Evropiane të Investimeve me një vlerë prej 50 milionë eurosh kredi, të cilat do të përdoren për “punimet e infrastrukturës bashkiake për projektin ‘Porta e Alpeve’. Kësaj kredie do t’i bashkohet dhe një fond 50 milionë euro nga buxheti i shtetit për zhvillimin e turizmit të qëndrueshëm. Projekti do të zbatohet nga Fondi Shqiptar i Zhvillimit.

PS e fitoi qytetin e Shkodrës për herë të parë që pas rënies së regjimit komunist në zgjedhjet lokale të vitit 2023 me kryebashkiak Benet Becin, një ish-drejtor i Fondit Shqiptar të Zhvillimit. Dy prej bashkive të tjera të qarkut, ajo e Pukës dhe e Fushë-Arrëzit drejtohen nga opozita.

Projekti i ri i ka të lidhur shumicën e komponentëve me qytetin e Shkodrës, të tilla si rehabilitimi i shesheve, bulevardeve, ndërtim parkingjesh si dhe i një korridori rrugor që lidh Alpet me bregdetin Adriatik, nëpërmjet Shkodrës, liqenit të Shkodrës dhe lumit Buna, Velipojës dhe Shëngjinit.

Përdorimi i investimeve publike si mekanizëm për ndikim elektoral është një fenomen i pandalshëm në Shqipëri, i cili edhe pse nuk cënon formalisht dispozitat e Kodit Zgjedhor, shërben shpeshherë për të mikluar votuesit.

Por ekspertë të shoqërisë civile, edhe projekti i ri i njohur si “Porta e Alpeve” nuk mund të shihet jashtë mekanizmit politik për ndikim elektoral.

“Qeveria duhej të ishte shumë trasparente për të gjitha kostot, rrisqet, përfitimet dhe qasjen strategjike për të ardhmen,” tha Afrim Krasniqi, drejtor i Institutit për Studime Politike. Krasniqi i sheh ‘Paketën e Maleve’ apo ‘Portën e Alpeve’ si nisma që ndërlidhin shumë sektorë, prekin pronën private, prekin raportet e qytetarëve me shtetin, shërbimet e kadastrës, konkurrencën ekonomike, sektorin e turizmit dhe me elementë të sigurisë kombëtare.

“Si të tilla duhet të jenë nisma shumë transparente dhe të qëndrueshme,” theksoi ai.

Në mungesë të këtyre elementeve, sipas Krasniqit, këto janë nisma të mbyllura, jotransparente dhe të nxitura nga interesa të diskutueshme.

Drejtori i Institutit Shqiptar të Bashkive, Agron Haxhimali thotë se kjo paketë investimesh është e nevojshme për zonat malore, por ai e vendos theksin te shpërndarja e drejtë e fondit.

“Të pesë bashkitë e qarkut duhet të jenë përfituese. Secila bashki duhet të jetë pjesë e konsultimit dhe vendimarrjes për projekte strategjike, që të sigurojnë kohezion social, rritje ekonomike dhe ripopullim,” tha ai.

Ndërkohë që ligji e detyron qeverinë që të ketë kufizime investimesh vetëm katër muaj përpara zgjedhjeve, Krasniqi mendon se investimet në vlera të tilla të mëdha nuk shihen jashtë ndikimeve politike elektorale.

“Në mungesë të elementëve që sigurojnë transparencën dhe interesin e një zhvillimi afatgjatë ekonomik, projekti i ri mund të ketë fatin e projekteve të mëparshme që kanë rezultuar më shumë si projekte 2-3 vjeçare politiko-elektorale apo klienteliste sesa projekte për zhvillimin e Shqipërisë,” përfundoi ai./BIRN

Etiketa: milionaShkodërZgjedhje

Lajme të lidhura

Këlliçi: Sa më shumë prova e pasuri të fshehura, aq më shumë shijon lirinë Balluku!
Aktualitet

Këlliçi: Sa më shumë prova e pasuri të fshehura, aq më shumë shijon lirinë Balluku!

13:32 - 17/11/26
28 Nëntori/ Berisha: Të nderojmë flamurin kombëtar me protestën më të fuqishme që ka parë vendi
Aktualitet

28 Nëntori/ Berisha: Të nderojmë flamurin kombëtar me protestën më të fuqishme që ka parë vendi

13:25 - 17/11/26
“Dorëzo mandatin urgjentisht ose kalbesh në burg!” Toni Gogu i çon Erion Veliajt kërcënimet e Ramës
Aktualitet

“Gogu më kërcënoi me porosi të Ramës”, avokati i Veliajt: Kryeministri duhet të hetojë ministrin e tij

13:10 - 17/11/26
Para
Sulmet në Ngushticën e Hormuzit, rriten çmimet e naftës në tregjet globale

Sulmet në Ngushticën e Hormuzit, rriten çmimet e naftës në tregjet globale

Discussion about this post

TË FUNDIT

Këlliçi: Sa më shumë prova e pasuri të fshehura, aq më shumë shijon lirinë Balluku!
Aktualitet

Këlliçi: Sa më shumë prova e pasuri të fshehura, aq më shumë shijon lirinë Balluku!

13:32 - 17/11/26

Deputeti i Partisë Demokratike, Belind Këlliçi, ka reaguar ashpër ndaj qëndrimit të SPAK, lidhur me hetimet ndaj zv/kryeministres Belinda Balluku....

Lexo më shumë
28 Nëntori/ Berisha: Të nderojmë flamurin kombëtar me protestën më të fuqishme që ka parë vendi

28 Nëntori/ Berisha: Të nderojmë flamurin kombëtar me protestën më të fuqishme që ka parë vendi

13:25 - 17/11/26
“Dorëzo mandatin urgjentisht ose kalbesh në burg!” Toni Gogu i çon Erion Veliajt kërcënimet e Ramës

“Gogu më kërcënoi me porosi të Ramës”, avokati i Veliajt: Kryeministri duhet të hetojë ministrin e tij

13:10 - 17/11/26
Debat te ‘Ekonomia’, Braçe kërkon ndëshkimin e protestuesve, Cara: Merrni masa për hajdutët tuaj që vjedhin miliona

Debat te ‘Ekonomia’, Braçe kërkon ndëshkimin e protestuesve, Cara: Merrni masa për hajdutët tuaj që vjedhin miliona

13:00 - 17/11/26
Bardhi akuzon: Braho dhe dy prokurorët ju nënshtruan korrupsionit të Ballukut

Bardhi akuzon: Braho dhe dy prokurorët ju nënshtruan korrupsionit të Ballukut

12:51 - 17/11/26

GIJOTINA

Gijotina është media e pavarur, e iniciuar nga gazetarë profesionistë dhe të rinj, të karakterizuar nga paanshmëria, që sjellin tek ju gjithçka ndodh në Shqipëri, me lajme të shpejta, cilësore, investigime, fact-checking dhe analiza, duke denoncuar çdo shkelje apo abuzim ndaj qytetarëve shqiptarë.

KONTAKT

  • Contact page
  • [email protected]
  • [email protected]
  • [email protected]

Harta e Faqes

Nuk ka rezultat
View All Result
  • Lajme
    • Politikë
    • Aktualitet
    • Ekonomi & Sociale
    • Kosovë & Rajon
    • Botë
  • Fact-Checking & Analize
  • OP-ED
    • Opinion
    • Editorial
    • Sondazh
  • Intervista
  • Sport
  • Të tjera
    • Art & Kulturë
    • Teknologji
    • Shëndet & Fitness
    • Kuriozitete
    • Show Biz
    • Lifestyle
    • Horoskopi
    • Moti

© 2022 Gijotina Dev By Techzero1.com