Dega e Alpha Bank në Tiranë është blerë zyrtarisht nga hungarezët e OTP-së. Një ndër katër bankat më të mëdha në Greqi ka vendosur që njësinë e saj që operon në vëndin tonë ta shesë t te OTP Bank e Hungarisë (OTPB.BU). Mësohet se blerja e 100% të aksioneve do t’i kushtojë OTP Bank 55 milionë euro (62.05 milionë dollarë), tha Alpha Bank, teksa transaksioni pritet të përfundojë në vitin 2022.
Bankat greke kanë punuar për të reduktuar një grumbull prej rreth 30 miliardë euro në kredi të këqija, trashëgimia e një krize financiare dhjetëvjeçare e cila tkurri prodhimin e Greqisë me një të katërtën. Marrëveshja do të krijojë një grup bankar lider në Shqipëri, i cili do të mbajë një pjesw tregu prej rreth 11% në treg bazuar në aktive, shtoi Alpha Bank.
Sipas të dhënave të Shoqatës Shqiptare të bankave, në fund të tremujorit të tretë, OTP Albania ishte banka e pestë më e madhe në Shqipëri, me një total aktivesh prej 107 miliardë lekësh ose 6.2% të tregut. Nëse do të finalizojë me sukses edhe blerjen e Alpha Bank, pjesa e tregut të OTP do të arrijë në 10.9% të aseteve totale të sistemit, duke iu afruar shumë Intesa Sanpaolo Bank Albania, që zotëron rreth 11.8%. Shitja me sukses e Alpha Bank njëkohësisht do të sillte një konsolidim të mëtejshëm të sektorit bankar në vend, me uljen e numrit të përgjithshëm të bankave në 11, nga 12 që janë aktualisht.
Discussion about this post