Noizy i dhuroi një super shfaqje publikut të tij në koncertin e madh ‘Alpha Show’, të cilin e mbajti në Tiranë.
I mirëpritur me brohorima dhe duartrokitje të shumta reperi e hapi performancën me këngën e tij “OTR me zemër” e cila dhe pse e vjetër dëgjohet ende edhe sot.
Artistët shqiptar që performuan në skenën e Alpha Show-t të cilët kanë sjellë bashkëpunime të fuqishme bashkë ishin: Loredana Zefi, Ledri Vula, Ylli Limani, Dhurata Dora, Elgit Doda, Ardian Bujupi, Xhensila Myrtezaj.
Padyshim një ndër momentet më pikante nga koncerti, ishte takimi i Noizy-t dhe Stresit, të cilët i dhanë duart njëri tjetrit dhe u përqafuan para publikut.
Reperi ka postuar së fundmi një foto nga nata e koncertit në “Instagram”, duke shkruar: “Saga vazhdon”, ndërsa nuk ka dhënë më tepër detaje.
Teksa nuk munguan as kolegë të cilët nuk kanë bashkëpunuar me reperin deri tani, por që nuk hezituan të shprehin mbështetjen e tyre me performanca të mrekullueshme. Të tillë si: Mc Kresha dhe Lyrical Son, Finem dhe Solo, Orhidea Latifi ose Kida apo edhe Stresi.
Pas 16 vitesh të sukseshme në karrierën e tij muzikore, Noizy arriti ta realizojë këtë projekt gjigand, të cilin pretendon ta kthejë në festival, si traditë të përvitshme të Tiranës e Shqipërisë.
Discussion about this post