Prokuroria e Posaçme ka kërkuar masë të dytë sigurie ndaj ish-deputetit socialist Alqi Bllako. Ai akuzohet si i përfshirë në aferën ko rruptive të inceneratorit të Elbasanit. Mësohet se SPAK i është drejtuar gjykatës me kërkesë për një masë sigurie ndaj Bllakos. Kjo ka ndodhur 2 javë më parë, por gjykata e ka refuzuar.
Megjithatë, SPAK e ka ankimuar këtë vendim. Duke iu drejtuar Apelit të Posaçëm për miratimin e kësaj kërkesë dhe caktimin e ‘arrestit me burg’ ndaj Bllakos, për akuzën e korrupsionit. Shqyrtimi i kësaj kërkesë është shtyrë për nesër. Apeli do dalë me një vendim nëse do miratojë kërkesën e SPAK për një masë më të butë sigurie apo jo ndaj Bllakos.
Hetimet e SPAK për inceneratorin e Elbasanit kanë rënduar pozitat e ish deputetit Alqi Bllako. Ku përveç akuzës së ‘shpërdorimit të detyrë’, kryer në bashkëpunim, prokuroria e Posaçme ka ngritur ndaj tij edhe akuzën e ‘korrupsionit’ Pas sekuestrimit të kompjuterit të ish deputetit pas marrjes së tij si i pandehur, janë gjendur prova që e implikojnë atë në korrupsion të zyrtarëve të lartë.
Sipas SPAK, Alqi Bllako ka shkëmbyer e-maile nga adresa e tij private me administratorin e kompanisë “Alb tek energy”, Klodian Zoton, duke e informuar këtë të fundit mbi procedurën e dhënies me koncension të Inceneratorit të Elbasanit. Referuar dosjes ai i përcillte Zotos, e-mailet e zyrtarëve të ministrisë së mjedisit mbi proceduratë që duhet të ndiqte për të fituar të drejtën e ndërtimit të Inceneratorit të Elbasanit. Referuar hetimeve të kryera këto kontakte janë mbajtur në kohën që Bllako ushtronte detyrën e sekretarit të përgjithshëm në Ministrinë e Mjedisit dhe prokuroria ka dyshime se ish-depuetit të ketë paracaktuar garën duke shpallur fituese kompaninë që përfaqësohej nga Zoto.
Discussion about this post