Mohammed Hasan Jalood Alshammari është zgjedhur president i Federatës Botërore të Peshëngritjes, ndërsa Pirro Dhima zv. President.
Kampioni olimpik Pirro Dhima ishte një nga 12 kandidatët për president të Federatës Botërore të Peshëngritjes, si përfaqësues i Greqisë. Dhima është kampion i shumë titujve të tjetër ndërkombëtarë dhe na ka bërë gjithmonë krenarë. Ai u rikthye sot në Tiranë, vendlindjen e tij, por si përfaqësues i shtetit helen që e ndihmoi në ato arritje peshëngritësin shqiptarë, aq herë të përfolur për çështjen e prejardhjes së tij. Lindi në Himarë, Shqipëri, dhe filloi të merret me peshëngritjen rreth vitit 1978 në moshën shtatë vjeç. ‘Ka fituar tri herë medaljen e artë olimpike, në Barcelonë 1992 në kategorinë 82,5 kile, Atlanta 1996 në kategorinë 83 kile dhe në Sydney 2000 në kategorinë 85 kile, ndërsa në Lojërat Olimpike në Athinë në vitin 2004 ai fitoi medaljen e bronzit. Ka fituar dhe tre tituj botërore (1993, 1995 edhe 1998).
Ai është nominuar pesë herë si atleti më i mirë i Greqisë nga gazetarët sportiv grek ( ΠΣΑΤ ) në vitet 1992, 1993, 1995, 1996 dhe 2000. Në mars 2005, në Stamboll, mori nga ana e Federatës Ndërkombëtare të Peshëngritjes titullin “atleti më i madh i shekullit”. Në maj 2012, së bashku me atletin kineze të gjimnastikës Li Niig ndezi altarin në fushën Panathenaiko gjatë ceremonisë së dorëzimit të flakës olimpike në qytetin nikoqir të Londrës. Për kontributin e tij në sportin grek ai është nderuar me “Kryqin e Artë” nga Republika Greke.
Discussion about this post