Shkarkimi i Bernard Challandes nga posti i trajnerit të Kosovës ka ngritur aludime mbi pasuesin e zviceranit. Albert Bunjaki, pjesë e stafit organizativ brenda FFK-së ka theksuar se ende nuk ka asgjë konkrete me asnjë prej kandidaturave.
“Është e natyrshme që tani do të qarkullojnë shumë emra në mediat kosovare. Ne duhet të besojmë në përzgjedhjen e z.Ademi dhe KE-së se do të bëjnë më të mirën të mundshme dhe që jam i sigurt se do ketë shumë interesim.
“E them këtë në bazë të asaj se Kosova ka lojtarë të rinj dhe një potencial shumë të lartë për zhvillim, e kur kësaj i bashkangjiten edhe tifozët ‘Dardan’, vërtetë është post për t’u lakmuar”, ka thënë ai. .
