Pas shumë pikëpyetjesh dhe aludimesh nga publiku, regjisori i njohur Altin Basha ka zbuluar arsyen e largimit pas 17 vjetësh nga programi i humorit “Portokallia”. Ai tregoi gjatë një interviste televizive s,e arsyeja kryesore është se filluan t’i cenonin lirin në të punuar dhe me kalimin e kohës bashkëpunimi po zbehej “Vendosa më mirë të largohem në një dritare të re, ku kam lirinë e duhur”, tha ai teksa tregoi se është i kënaqur me zgjedhjen që ka bërë, “Kosherja më tregoi se sa shumë talente të reja ka”, tha ai.
Ndërkohë për sa i përket aktorëve që qëndruan në “Portokalli” pas largimit të tij, regjisori tha se ata bënë zgjedhjen e tyre. E teksa u pyet nëse do të donte të vijonte të punonte me aktorët e “Portokallisë”, ai tha se do pranonte nëse do ishte rasti dhe do ta kishte për privilegj. “Në fillim kanë paturata privilegjin të punojnë me mua, por falë punës intensive ata u kthyen në talente të ekranit, dhe sot kam unë privilegjin të punoj me secilin prej tyre”, tha ai.
Ndërsa për aktorët që janë rikthyer në “Portokalli” pas largimit të tij, apo për kritikat e bëra vazhdimisht për të, ai theksoi se suksesin e tij e kanë treguar statistikat dhe produktet e nxjerra nga ai program.
Discussion about this post