Protestuesi Altin Hila iu drejtuar kryeministrit Edi Rama, duke i thënë se duhet ta urdhërojë Policinë për të vepruar kundër blerjes së votës kur mbahen zgjedhje në vend, dhe jo që të arrestojë protestuesit paqësorë.
Teksa mori fjalën në protestë, ai theksoi se kryeministri nuk mund të tallet më me popullin dhe ta marrë atë nëpër këmbë.
“Nuk jemi populli para ‘90, por pas ‘90. Nuk të lëmë të tallesh dhe të marrësh njerëzit nëpër këmbë. Policia bëri gabim që vuri dorën mbi qytetarët, se nga ata marrin rrogën. Po silleni si terroristë shefa policie. Edi Rama policinë mos e urdhëro për të arrestuar njerëzit në shesh, por urdhërojë kur ka votime se në të gjithë Shqipërinë ka blerje vote”, tha mes të tjerash ai.
Discussion about this post