“Aman ku është kryeministri ta puth njëherë”, Manja i përgjigjet Korreshit: Ti nuk e arrin dot

Batutat dhe ironitë mes anëtarëve nuk kanë munguar edhe këtë herë në mbledhjen e përbashkët të Komisionit të Çështjeve Ligjore dhe Administratën Publike me Komisionin për Nismat Qytetare, Bashkëpunimin dhe Mbikëqyrjen Institucionale. Drejtuesi i komisionit Ulsi Manja dhe anëtarit të PD, deputetit Saimir Korreshi nuk e kanë kursyer aspak njëri-tjetrin. Teksa Manja i dha fjalën për t’iu drejtuar me pyetje ministrit, i tha me batutë që të mos i shoqërojë me komente.

Pjesë nga dialogu

Manja: Ju lutem, me kujdes dhe shkurt, se çdo referencë e merr nga Lushnja. Aman lëre Lushnjën, se kush ia ka parë hajrin tokës.

Korreshi: Po i lë të gjithë kolegët, se ka shumë penalistë dhe gjyqtarë. Do rri te zanati im. Unë me tokën jam marrë o Ulsi. Për të azhornuar ministrin, që edhe kalimi i tokës bujqësore është bërë me ligjin 8337, nga PS-ja. Ne akoma nuk e kemi një koncept se çfarë është familje bujqësore. Ta them si sugjerim. Të gjithë noterët gjejnë vështirësi se çfarë dokumentesh duhet të përdorin, kur një familje bujqësore bën transaksion. Njëri e merr me familje bujqësore të re, apo dhe ata të 91-shit. Duhet dhënë koncepti. Dua të them nja dy problematika për pronën, por do të kaloj te ASHK-ja. Do të merrem me ligjin 2020.

Manja: Nuk ka përgjegjësi Ministria e Drejtësisë për ASHK-në.

Korreshi: Po mirë, e anulojmë. S’jam azhornuar. Marr përgjegjësi. Ore se na ka marrë malet dhe kryeministrin nuk e kemi parë më, ta puthim dhe ne një herë se na mori malli. (Qeshin në sallë).

Manja: Edhe po erdhi, ti s‘e mbërrin dot.

Korreshi: O shoku Ulsi, duke qënë se kryeministri nuk vjen ndonjëherë këtu, po ndërroj pyetjen.

Te ASHK-ja ka një kullë roje, që po na fut frikën. E kishe ti më parë, por s‘ia qëllove dot . Shikoni Kullën e Rojes e si ndani dot ato 500-shet. Ta them unë, e ke live-live. Po kaloj te pjesa e noterisë zoti ministër. Ka shumë noterë që bëjnë 2-3 herë transaksione për pronat. Dhe shohim që nuk iu hiqet liçensa, kur japin 2-3 transaksione për pronat. Raste konkrete. Nëna e noteres lidh një transaksion me kontakt premtim-shitje. I biri lidh kontratë me nënën dhe më pas shet noterinë. Nëna thotë se nuk e kam kontratën e parë. Edhe pse në regjistrin e parë ka referenca dhe datën kur është lidhur kontrata.