Presidenti i Republikës, Ilir Meta ka folur sërish për shtyrjen e datës së zgjedhjeve në vendore në 13 tetor, duke thënë se Basha i është lutur për t’i shtyrë zgjedhjet.
Kreu i Shtetit tha se gjykoi që për hir të së ardhmes europiane të vendit, të shtynte zgjedhjet vendore.
“Për zgjedhjet vendore, Basha me është lutur: “Aman të lutem me shpëto!”. “Aman të lutem të shtyhen zgjedhjet!”. Më erdhi shumë keq për gjendjen ku ndodhej. Erdhi në Gjermani, ku unë ndodhesha për vizitë zyrtare, sepse gjermanët e thirrën dhe i tërhoqën veshin: “Nuk duam asnjë shashkë!”, “Nuk duam me dhunë në mitingje!”.
Pse? Sepse gjermanët kishin vullnetin të na ndihmonin për hapjen e negociatave me BE. Gjykova që për hir të së ardhmes europiane të vendit, për të shmangur gjakderdhjen dhe përplasjen mes shqiptarëve, të shtyja zgjedhjet vendore. Datën 13 tetor 2019, si datë të re e caktoi zoti Basha” – u shpreh Ilir Meta.
Discussion about this post