Ambasada e Shteteve të Bashkuara në Tiranë ka bërë një njoftim publik për qytetarët që udhëtojnë drejt Shteteve të Bashkuara me vizë amerikane.
Përmes një postimi në rrjetet sociale, ambasada thekson se në rast se një person arrestohet për sulm, dhunë në familje apo për krime të tjera gjatë qëndrimit në SHBA, viza amerikane mund të anulohet.
Sipas njoftimit, në këto raste individi mund të shpallet gjithashtu i papërshtatshëm për të marrë vizë në të ardhmen.
“Nëse arrestoheni për sulm, dhunë në familje ose krime të tjera ndërsa ndodheni në Shtetet e Bashkuara, viza juaj amerikane mund të anulohet dhe mund të bëheni të papërshtatshëm për viza në të ardhmen.
Një vizë është një privilegj, jo një e drejtë – e cila mund të hiqet nëse shkelni ligjin”, thuhet në njoftim.
Discussion about this post