Ambasada Amerikane në Tiranë përmes një statusi në rrjetin social “Facebook”, ka njoftuar të gjithë qytetarët që duan të zhvendosen në Shtete e Bashkuara të Amerikës, se duhet të aplikojnë vetëm njëhere për llotarinë amerikane, pasi në të kundërt do të skualifikohen automatikisht.
Qytetarët kanë edhe nëntë ditë kohë për të plotësuar dokumentacionin e nevojshëm për aplikimin e llotarisë amerikane.Data e hapjes së llotarisë ishte 4 tetori teksa pritet që kjo proçedurë fillestare të mbyllet me 9 nëntor, ndërsa përgjigjiet priten të dalin në muajin maj.
Llotaria amerikane është një traditë tanimë e shqiptarëve që duan të largohen nga vendi i tyre drejt SHBA-së, ndaj dhe aplikimet janë të larta nga viti në vit.
