Ambasada Amerikane në Shqipëri uroi festën e Çlirimit të vendit, 29 nëntorin, gjë e cila është evidentuar nga gazetari Ilir Konomi, i cili dikur ishte spiker në median “VOA – Zëri i Amerikës”. Ky i fundit nuk ka nguruar të lërë një koment në këtë postim zyrtar të ambasadës së SHBA në Shqipëri, duke shkruar se në 30 vite karrierë askush nga zyrtarët amerikanë nuk e ka festuar 29 nëntorin si ditën e Çlirimit të Shqipërisë, ndaj sipas tij ky është një gabim diplomatik për të cilin duhet kërkuar falje ndaj të gjithë qytetarëve që kanë vuajtur nga regjimi diktatorial.
“Zyrtarët amerikanë nuk e kanë festuar kurrë të ashtuquajturën Ditë të Çlirimit në Shqipëri. Sipas mendimit tim modest, ky është një gabim i rëndë diplomatik nga ana juaj dhe atyre që kanë vuajtur nga shtypja komuniste në Shqipëri duhet të kërkojnë falje sa më shpejt që të jetë e mundur,”-shkruan ai në koment.
19 nëntori konsiderohet si një datë e stisur nga komunizmi, ndaj prej 3 dekadash në Shqipëri, politikanë e historianë janë të ndarë mbi ditën se kur u çlirua vendi. Prej vitesh Festa e Çlirimit, e cila ka ndarë edhe politikën, është nderuar nga disa palë më 28, ndërsa nga të tjerë më 29.
Discussion about this post