Ambasada amerikane në Shqipëri ka uruar Ditën kombëtare të Rinisë. Përmes një postimi në Facebook, ambasada shkruan se sot nderohen studentët që 31 vite më parë protestuan kundër komunizmit duke shënjuar fillimin e një epoke të re.
“Sot, ne nderojmë studentët guximtarë të cilët 31 vjet më parë protestuan sypatrembur kundër një prej regjimeve më mizore të Europës, duke kërkuar fundin e komunizmit dhe fillimin e një epoke të re lirie, pluralizmi, ekonomie tregu, lirie fetare dhe lirie të fjalës. Ata kërkuan një Shqipëri “si gjithë Europa”. Ne jemi krenarë që kemi qëndruar në krah të popullit shqiptar atëherë dhe do të qëndrojmë krah tij ndërsa ata përqafojnë të ardhmen”, shkruan ambasada në Facebook.
Më herë, ka qenë presidenti Ilir Meta dhe kryeministri Edi Rama që uruan 8 dhjetorin, ndërsa ish-kryeministri Sali Berisha dhe kryedemokrati Lulzim Basha do të zhvillojnë të ndarë, takime me të rinjtë.
Discussion about this post