Ambasada Amerikane në Afganistan u bënë thirrje qytetarëve të saj që të shmangin udhëtimet në Aeroportin e Kabulit, pasi situata është e rrezikshme.
Ata gjithashtu lajmëruan se kjo gjendje do të qëndrojë e pa ndryshuar deri në një urdhër të dytë.
“Për shkak të kërcënimeve të shumta të sigurisë jashtë portave në Aeroportin e Kabulit. Ne këshillojmë qytetarët amerikanë që të shmangin udhëtimet në aeroport përkohësisht. Gjendja do të qëndrojë e pandryshuar deri në një urdhër të dytë”, tha Ambasada,
Kjo deklaratë vjen 24 orë pasi Presidenti Joe Biden tha se nuk ka asnjë të dhënë se talebanët po ndalonin kalimin e lirë të amerikanëve dhe aleatëve të tyre nëpërmjet aeroportit të Kabulit.
Kujtojmë se momentalisht në Aeroportin e Kabulit, e cila është e vetmja portë dalëse nga Afganistani, ndodhen mijëra qytetarë, disa prej tyre janë larguar drejt vendeve Evropiane, ndërsa për disa të tjerë pritet që të largohen në ditët në vijim.
