Ambasada gjermane: SPAK, pjesë e pazëvendësueshme, mbështesim luftën ndaj…

Altin Dumani, kreu i SPAK, zhvilloi sot një takim me Ambasadorët e vendeve të Bashkimit Evropian, ku ka prezantuar punën e Prokurorisë Speciale.

Ambasada gjermane në Tiranë, tha se mbështesin luftën kundër korrupsionit dhe krimit të organizuar.

“Ditën e sotme, Altin Dumani, kreu i Prokurorisë së Posaçme SPAK, prezantoi punën e tij para ambasadorëve të vendeve anëtare të BE-së në Europe House.

SPAK është pjesë e pazëvendësueshme e reformave në drejtësi ⚖️ dhe tashmë ka treguar sukses të madh në luftën kundër korrupsionit dhe krimit të organizuar.👏

Ne e përgëzojmë Altin Dumanin dhe ekipin e tij për këto arritje dhe do të vazhdojmë ta mbështesim më tej punën e tij”, thuhet në reagim.