Në një njoftim të publikuar në rrjetet sociale, Ambasada Gjermane shkruan se 80% e aplikimeve për viza në Ambasadën Gjermane janë të pasakta, të paplota dhe që marrin kohë për t’u procesuar. Për këtë arsye, Ambasada Gjermane në Tiranë njoftoi ditët e fundit se do të refuzojë dosjet me mangësi.
Deri më tani, ambasada i pranonte këto dosje dhe një pjesë të aplikantëve i udhëzonte për plotësimin e dokumentacionit. Por, duke filluar nga data 1 nëntor kjo praktikë nuk do të kryhet më dhe një dosje e paplotësuar do të refuzohet automatikisht.
Duke refuzuar aplikimet jo të plota për viza, Ambasada Gjeremane thotë se koha e pritjes për një takim për vizë do të shkurtohet dhe caktimi i takimeve për viza mund të bëhet më i shpeshtë, gjë që funksionon në favor të aplikantëve të rregullt.
Për më tepër, për çdo aplikim afatshkurtër për vizë Schengen kërkohet aplikimi për vizë i plotësuar dhe i nënshkruar plotësisht, përveç dy fotografive të marra së fundmi dhe një pasaportë të vlefshme. Për më tepër, kërkohet një rezervim i udhëtimit vajtje -ardhje, sigurimi i udhëtimit, dëshmia e akomodimit dhe deklarata financiare. Aplikanti gjithashtu duhet të paraqesë dëshmi të tarifës së paguar të vizës, e cila ndryshon në varësi të moshës së aplikantit.
Gjermania, Franca dhe Italia u kanë kërkuar organeve të BE-së të rishqyrtojnë marrëveshjet e liberalizimit të vizave me katër vende të treta europiane, me arsyetimin se po abuzohet me liberalizimin e vizave.
