Ambasadori i Mbretërisë së Bashkuar në Shqipëri, Alastair King-Smith tha mesazhin e tij në një tryezë me temë “Mbrojtja e integritetit zgjedhor në Shqipëri”.
Në fjalën e tij, diplomati i lartë u shpreh se Britania mbështet demokracinë në Shqipëri, ndërsa deklaroi se kërkon që të shikojë një opozitë të fortë, për t’i kërkuar llogari partisë në pushtet.
“Mbretëria e Bashkuar mbështet demokracinë në Shqipëri për të ngritur standardin e zgjedhjeve dhe për të mbështetur monitorimin e zgjedhjeve dhe për të çuar pjesëmarrjen e qytetarëve.
Mbretëria e Bashkuar mbështet punën për të vazhduar me procesin zgjedhor dhe me ndihmesat që jep për partitë politike.
MB do të shikojë një demokraci në lulëzim, duke përfshirë këtu edhe një opozitë të fortë që i kërkon llogari partisë në pushtet dhe të ketë institucione që punojnë.
Procesi demokratike është i rëndësishëm jo vetëm për Shqipërinë, por edhe për Ballkanin Perëndimor dhe për pjesën tjetër të Evropës”, u shpreh ambasadori.
Discussion about this post