Silvio Gonzato, ambasadori i BE në Tiranë, ka marr pjesë ditën e sotme në aktivitetin e prezantimit të strategjisë së menaxhimit të financave publike.
Ambasadori thekësoi se sa e rëndësishme është transparenca e menaxhimit të financave publike në integrimin në BE.
“Reforma e menaxhimit të financave publike është një proces në vijimsi e ritheksoj se është pjesë e axhendës së reformave dhe planit të rritjes. Disa nga reformat të cilat kemi inkurajuar gjatë viteve të fundit e shumica e tyre me kënaqësi pashë që janë të reflektuara në këtë strategji,
Kemi shprehur shqetësime për përdorimin ekskluziv të akteve normative për rishikimin e buxhetit. Kjo mund të jetë e justifikueshme në situate krizash por jemi të mendimit se duhet të kthehemi tek rishikimi i buxhetit me anën e procedurave. Është e rëndësishme edhe mbikqyrja e parlamentit.
Është e rëndësishme dhe KLSh, sepse rekomandimet e gjetjet e saj duhet të diskutohen e merren parasysh përfshirë diskutimet dhe gjetjet në Kuvend. Mbetet e rëndësishme të fuqizojmë monitorimin dhe mbiqkyrjen në fusha ku kemi rrezikun apo rriskun fiscal. Do të thotë monitorimi I projekteve PPP apo ndërmarrjeve në pronësi të shtetit.
Në fushën e tatimeve ju inkurajomë të merren masa për të zgjeruar gjithnjë e më shumë bazën tatimore duke luftuar informalitetin dhe përmirësuar administratën tatimore. Jemi të inkurajuar nga rezultatet e procesit të fiskalizimit. Ju kemi inkurajuar që në mënyrë zyrtare të miratoni strategjinë afatmesme të të ardhurave, e cila sjell parashikueshmërinë në politikën tatimore” tha Gonzato
Discussion about this post