Serbia ka veç një mundësi, të kthehet nga perëndimi, ka thënë të hënën ambasadori i Shteteve të Bashkuara të Amerikës në Beograd, Christopher Hill.
Gjatë një interviste për Blic, ambasadori amerikan e ka vënë në pah faktin që Serbia është i vetmi vend në Evropë që s’ka vendosur sanksione ndaj Federatës Ruse.
Rusia më 24 shkurt ka nisur agresionin e saj ndaj Ukrainës. Perëndimi e ka dënuar përpjekjen, madje edhe Serbia e ka mbështetur sovranitetin territorial të Ukrainës, por pa veprime praktike, pra sanksione s’ka vendosur.
“Do të doja të shihja një qeveri që është e aftë t’i kapërcejë këto sfida dhe që dëshiron të shkojë drejt Perëndimit. Është shumë e qartë se populli i Serbisë e zgjodhi këtë”, tha Hill.
Serbia ka pasur kërkesë direkte nga perëndimi për të lëvizur në drejtim të vendosjes së sanksioneve ndaj Rusisë, përkundër kësaj ambasadori amerikan ka thënë se s’mund të ndërhyjë dot në vendimet e qeverive.
Discussion about this post