Ambasadorja amerikane në Shqipëri, Yuri Kim ka deklaruar se SHBA dhe Shqipëria kanë një përgjegjësi të veçantë për të trajtuar krimet që po ndodhin në Ukrainë. Sipas ambasadores bota ka
ka qenë dëshmitare e tmerreve të kësaj lufte në qytetet ukrainase si Bucha, Irpin dhe Hostomel dhe në fshatrat dhe qytetet e Ukrainës ende të kapura ose të rrethuara nga forcat ruse, si Mariupoli. Brutaliteti i luftës, dhuna e ushtruar mbi të pafajshmit nga forcat ruse është e njohur deri në dhimbje për popullin shqiptar.
Kim thotë se ekziston një dakordësi e fortë ndërkombëtare se sjellja e Rusisë është e patolerueshme dhe përgjegjësit nuk duhet t’ia hedhin pa u ndëshkuar për shkaktimin e një dhune të tillë.
“Mesazhi ynë i thjeshtë për udhëheqjen ushtarake dhe politike të Rusisë, si dhe forcat e saj ushtarake të cilët kryejnë krime lufte ose mizori të tjera, është ky: bota po vëzhgon dhe ju do të jepni llogari. Ne do të vazhdojmë t’i sigurojmë Ukrainës armët dhe pajisjet që i nevojiten për t’u mbrojtur dhe do të vazhdojmë të ofrojmë ndihmë humanitare për ata që janë prekur nga lufta brutale dhe e pakuptimtë e Kremlinit”, deklaroi ambasadorja Yuri Kim.
Discussion about this post