Amber Heard mund të jetë larguar nga SHBA, por ajo nuk është larguar nga Hollywood. Një video e postuar në TikTok nga llogaria “Casaenplaya” dëshmon se aktorja ka në punë disa projekte filmike.
Duke folur për një gazetar, Amber Heard shpjegoi se ajo synon të qëndrojë përgjithmonë në Spanjë.
“Shpresoj se po, më pëlqen shumë të jetoj këtu”, tha ajo në spanjisht.
“Unë e dua shumë Spanjën”, shtoi ajo më pas, ndërsa përpiqej të tërhiqej nga kamera.
“Isha kënaqësi që ju takova” tha ajo, por gazetari këmbënguli ta pyeste për planet e saj të ardhshme profesionale.
“Oh po, kam disa projekte. Unë vazhdoj të eci përpara, kjo është jeta”, shpjegoi Amber.
Aktorja e “Aquaman” duket se preferon një jetë të qetë, larg syrit të publikut, pas asaj që ka ndërhyrë në jetën e saj vitet e fundit dhe e ka sjellë në qendër të vëmendjes.
Një raport i DailyMail thotë: “Heard është larguar në heshtje nga Hollywood dhe është transferuar në Spanjë me vajzën e saj të vogël Oonah. Ajo e njeh gjuhën dhe është e lumtur atje, duke rritur vajzën e saj të vogël, larg gjithë zhurmës”.
Një burim nga ambienti i saj tha se është e mundur që Amber Heard të kthehet në Hollywood në të ardhmen.
“Unë nuk mendoj se Amber është në nxitim për t’u rikthyer në punë ose në Hollywood, por me siguri do ta bëjë, kur të jetë koha e duhur, për filmin e duhur” tha ai.
Aktorja shiti rezidencën e saj në Kaliforni në korrik 2022, menjëherë pasi i dha fund betejës së saj ligjore me ish-bashkëshortin, Johnny Depp, për 1.1 milionë dollarë.
Që atëherë, ajo jeton në Spanjë dhe gëzon një jetë të qetë me vajzën e saj. Në fakt, tetorin e kaluar, ajo u pa duke u larë me të, në një plazh në Palma de Mallorca.
Discussion about this post