Ambulanca nuk mbërrin në kohë, vdes 19-vjeçarja shtatzënë

Vdekja e një 19-vjeçareje shtatzënë në Greqi ka shokuar opinionin publik. E reja, e cila u dërgua në qendrën shëndetësore të Nea Makrit me ambulancë, u konstatua e vdekur.

E reja, 9-muajshe shtatzënë, është ankuar nga mëngjesi i së martës tek bashkëshorti dhe të afërmit e saj për dhimbje të forta barku.

Duke qenë se çifti nuk kishte makinë, në orën 8.30 të mëngjesit kanë telefonuar një ambulancë për ta dërguar në spital.

Sipas të afërmve të saj, ambulanca ka mbërritur rreth orës 1 të pasdites dhe e ka dërguar në qendrën shëndetësore Nea Makri, ku është zbuluar ngjarja tragjike, ndërsa as foshnja e saj nuk ka shpëtuar.

Sipas mediave greke, të afërmit e saj thonë se 19-vjeçarja është larguar e gjallë nga shtëpia.

Qendra shëndetësore e Nea Makris pretendon se vajza ishte tashmë e vdekur kur mbërriti. Ambulanca e mori në orën 13:38 me mjekët duke e intubuar rrugës për në qendrën shëndetësore, por pa sukses.

Pritet të zbardhet shkaku i saktë i vdekjes së saj. Sipas ANT1, është urdhëruar një kontroll administrativ i detajuar për gjoja vonesën e mbërritjes së autoambulancës së EKAV.+